நாமக்கல்:நாமக்கல்லில், தேசிய முட்டை ஒருங்கிணைப்புக்குழு கூட்டம் (நெக்) நேற்று நடந்தது. அதில், முட்டை உற்பத்தி, மார்க்கெட்டிங் நிலவரம் குறித்து பண்ணையாளர்கள் விவாதித்தனர். இதையடுத்து, 470 காசுக்கு விற்ற முட்டை விலை, 10 காசு உயர்த்தி, 480 காசாக நிர்ணயம் செய்யப்பட்டது. கடும் வெப்பம் காரணமாக, முட்டை உற்பத்தி, 15 சதவீதம் சரிந்துள்ளது. அதனால், தமிழகம், கேரளாவில் தட்டுப்பாடு ஏற்பட்டுள்ளது. அவற்றை கருத்தில் கொண்டு, முட்டை கொள்முதல் விலை தொடர்ந்து அதிகரித்து வருகிறது. ஒரு வாரத்தில், 70 காசு உயர்ந்துள்ளது குறிப்பிடத்தக்கது.