4ம் ஆண்டு விளையாட்டு விழா

சேலம், ஆக. 21-

செந்தில் கல்வி குழுமத்தில் இயங்கும் சேலம் செந்தில் பப்ளிக்; தர்மபுரி அதியமான்கோட்டை செந்தில் பப்ளிக், செந்தில் மெட்ரிக் மேல்நிலை; கிருஷ்ணகிரி செந்தில் பப்ளிக்; செந்தில் மெட்ரிக் ஆகிய, 5 பள்ளிகள் ஒருங்கிணைந்து, அதியமான்கோட்டையில் உள்ள விளையாட்டு மைதானத்தில், 4ம் ஆண்டு விளையாட்டு விழாவை கொண்டாடின.

செந்தில் கல்வி நிறுவன தலைவர் செந்தில் கந்தசாமி, துணைத்தலைவர் மணிமேகலை தலைமை வகித்தனர். செயலர் தனசேகர், தாளாளர் தீப்தி முன்னிலை வகித்தனர்.

இதில் சேலம் டி.ஐ.ஜி., உமா, கொடியேற்றி விழாவை தொடங்கி வைத்தார். தொடர்ந்து விளையாட்டின் முக்கியத்துவம் குறித்து பேசினார். இதில், 5 பள்ளிகளை சேர்ந்த மாணவியர் ஒன்றிணைந்து அணிவகுப்பு நடத்தினர்.

மேலும் பள்ளிகள் இடையே ஓட்டம், உயரம் தாண்டுதல், நீளம் தாண்டுதல், வட்டெறிதல், குண்டெறிதல், ஈட்டியெறிதல் உள்ளிட்ட பல்வேறு தடகள விளையாட்டுப் போட்டிகள் நடத்தப்பட்டன. இறுதியில் வெற்றி பெற்றவர்களுக்கு சான்றிதழ்கள், பரிசுக்கோப்பைகள் வழங்கப்பட்டன. இதில் நிர்வாக அலுவலர் கார்த்திகேயன், முதன்மை முதல்வர் ஸ்ரீனிவாசன், முதல்வர்கள் செந்தில்முருகன், மனோகரன், சிவராமகிருஷ்ணன், வெங்கட அழகிரி, வேதகுமார், துணை முதல்வர்கள், கல்வி ஒருங்கிணைப்பாளர்கள், ஆசிரியர்கள், மாணவர்கள், பெற்றோர்கள் பங்கேற்றனர்.