இதேபோல, தாழ்வான பகுதிகளில் மழைநீர் தேங்கியது. மழை காரணமாக, மாலையில் பணி முடிந்து வாகனங்களில் வீடு திரும்பியவர்கள் கடும் சிரமத்துக்கு ஆளாகினர். குறிப்பாக, 5 ரோட்டில் இருந்து சாரதா கல்லுாரி வரை வாகனங்கள் ஊர்ந்து சென்றதால், போக்குவரத்து கடுமையாக பாதிக்கப்பட்டது. அதனால், பாதசாரிகளும் பெரும் சிரமத்துக்கு ஆளாகினர். மாநகரில் போதிய வடிகால் வசதி இல்லாத காரணத்தால், மழை நின்றும் சாலைகளில் தேங்கிய மழைநீருடன் கலந்த சாக்கடை கழிவுநீர் தாமதமாகவே வடிந்ததால் துர்நாற்றம் வீசியது.