சேலம்;சேலம் மேற்கு சட்டசபை தொகுதி பறக்கும்படை அலுவலர் பிரபுகுமார் தலைமையிலான குழுவினர், நேற்று இரவு, 8:45 மணிக்கு, சேலம் திருமகள் பைபாஸ் - மூலப்பிள்ளையார் சாலை சந்திப்பு அருகே வாகன தணிக்கையில் ஈடுபட்டனர். அப்போது அவ்வழியாக வந்த அசஸ் மொபட்டை நிறுத்தி சோதனையிட்டதில், 13 கிலோ, 231 கிராம் வெள்ளி கொலுசு வைத்திருப்பது தெரிந்தது. விசாரணையில், மொபட்டை ஒட்டி வந்தவர் செவ்வாய்பேட்டை, சையத் மாதர் தெருவை சேர்ந்த முனீர், 40, என்பதும், அவரிடம் கொலுசுக்கான ஆவணம், ரசீது எதுவும் இல்லையென தெரிவித்தார். பிடிபட்ட வெள்ளி கொலுசு மதிப்பு, 9.35 லட்ச ரூபாய் இருக்கும். அவை மொத்தமாக பறிமுதல் செய்து, சூரமங்கலம் சார்நிலை கருவூலத்தில் ஒப்படைக்கப்பட்டது.