தலைவாசல்: தலைவாசல் அருகே வீரகனுார், ராமநாதபுரத்தை சேர்ந்தவர் மருதமுத்து, 50. இவரது தோட்டத்துக்கு நேற்று மதியம், 12:00 மணிக்கு வைக்கோல் கட்டுகளை ஏற்றிக்கொண்டு மினி லாரி வந்தது. அப்போது உயர் மின் அழுத்த கம்பியில் வைக்கோல் கட்டு உரசியதில் தீப்பற்றியது. தகவல் அறிந்து, கெங்கவல்லி தீயணைப்பு துறையினர், மதியம், 12:20 மணிக்கு வந்து, தீயை அணைக்கும் பணியில் ஈடுபட்டனர். ஆனால் வைக்கோல் கட்டுகள், லாரியின் ஒரு பகுதி எரிந்து நாசமானது. வீரகனுார் போலீசார் விசாரிக்கின்றனர்.