சேலம் மாவட்டம் சங்கிகிரியில், மூத்த வக்கீல் ரங்கசாமி வைர விழா நேற்று நடந்தது. சங்ககிரி, இடைப்பாடி வக்கீல் சங்கங்கள் சார்பில் நடந்த விழாவில், முன்னாள் தலைமை நீதிபதி சதாசிவம் பேசியதாவது: இந்தியாவில் நீதிமன்றங்கள் நவீன தொழில்நுட்-பத்துக்கு ஏற்றபடி மாற்றி அமைக்கப்பட்டு வருகின்றன. தினசரி வழக்குகளை, வக்கீல்கள், மொபைல் போனில் தெரிந்துகொள்-ளும்படி வடிவமைக்கப்பட்டுள்ளது. அவை தற்போது மேலும் தரம் உயர்த்தப்பட்டு நவீன தொழில்நுட்பத்துக்கு ஏற்ப கொண்டு வரப்பட்டுள்ளன.

உச்ச நீதிமன்றத்தில் வக்கீல்கள் வாதங்களை எடுத்துரைப்பது, நீதி-பதிகள் கேட்பது குறித்து நேரடி ஒளிபரப்பு செய்யப்படுகிறது. இளம் வக்கீல்கள், புத்தகங்களை படித்து தெரிந்து கொள்வதற்கு பதில் இணையதளத்திலேயே நீதிமன்ற தீர்ப்புகள் பதிவேற்றப்பட்-டுள்ளன. அதை பயன்படுத்திக்கொள்ள வேண்டும்.

இவ்வாறு அவர் பேசினார்.

சென்னை உயர்நீதிமன்ற தலைமை நீதிபதி(பொ) கிருஷ்ணகுமார் பேசுகையில், ''இளம் வக்கீல்கள், மூத்த வக்கீல்களிடம் அனு-பவம், தொழிலை சிறந்த முறையில் கற்க வேண்டும். வக்கீல்கள் கடினமாக உழைத்து தொழிலை உண்மையாக மேற்கொள்ள வேண்டும். தொழிலுக்கு அப்பாற்பட்ட செயல்களில் ஈடுபடு-வதை தவிர்க்க வேண்டும்,'' என்றார்.

இதில் உயர்நீதிமன்ற முன்னாள் நீதிபதி கண்ணம்மாள், பதிவாளர் ஜோதிராமன்(பொது), சேலம் மாவட்ட முதன்மை நீதிபதி சுமதி, குற்றவியல் தலைமை நீதிமன்ற நீதிபதி நம்பிராஜன், சங்ககிரி சார்பு நீதிமன்ற நீதிபதி பன்னீர்செல்வம் உள்பட பலர் பங்கேற்-றனர்.