ராம பக்த ஆஞ்சநேயர் சேவா அறக்கட்டளை சார்பில், மேச்சேரி ஒன்றிய பகுதிகளில் உள்ள அரசு உயர்நிலைப்பள்ளி, மேல்நிலைப்பள்ளி களில், 2024 -- 25 கல்வி ஆண்டு பொதுத்தேர்வில் சிறந்த மதிப்பெண் பெற்ற மாணவர்களுக்கும், இதர சேவை புரிந்த மாணவர்கள் என, 80 பேருக்கு நினைவு கேடயம், ஒவ்வொருவருக்கும் தலா, 5,000 வீதம் பரிசு வழங்கப்பட்டது. தொடர்ந்து மதுரை ருத்ரா நாட்டிய கலைக்குழுவின் தாரமங்கலம் டாக்டர் காஞ்சனா தேவி மாணவியரின் பரதநாட்டியம் நடந்தது. இந்த மாணவியருக்கும் பரிசுகள் வழங்கப்பட்டன. மேலும் ஆஞ்ச நேயர் உற்சவருக்கு சிறப்பு அபிஷேகம், 108 கலச அபிஷேகம், சிறப்பு பூஜை, தீபாராதனை நடைந்தது.

அன்னதானமும் வழங்கப்பட்டது.

விழா ஏற்பாடுகளை ராம பக்த ஆஞ்சநேயர் சேவா அறக்கட்டளை நிறுவனரான, உரக்கடை ஆறுமுகம், வசந்தா, எம்.கே.கன்ஸ்ட்ரக்சன் தலைவர் முருகேசன், செயலர் நாகநந்தினி, கனிஷ்க் லக் ஷிதா, விழா குழுவினர் செய்திருந்தனர். மேலும் புரட்டாசி முழுதும் சிறப்பு பூஜை நடக்கிறது. வரும், 21ல், மகாளய அமாவாசையில், சிறப்பு வழிபாடு நடக்க உள்ளது.