கிறிஸ்துமஸ் என்பது ஒரு நாளின் நினைவு அல்ல; அது மனித மனதில் நிகழும் மாறுதல். ஒரு குழந்தையின் பிறப்பாக தொடங்-கிய அந்தக்கணம், மனித குலத்துக்கு அளிக்கப்பட்ட அன்பின் மிக அமைதியான அறிவிப்பு. மன்னிப்பே மனித உறவுகளின் புது தொடக்கம் என்பதை, இத்திருநாள் மென்மையாக கற்றுத்தருகி-றது.

கிறிஸ்துமஸ், மத எல்லைகளை தாண்டி நிற்கும் ஒரு மனித-நேய பயணம். நாம் பிறரது வாழ்வில் சிறு ஒளியாக மாறும்போது, நம்முள் பெரிய மாற்றம் பிறக்கிறது. இந்த கிறிஸ்து பிறப்பு திரு-நாளும், வரும் புது ஆண்டும், அன்பை நம் மொழியாகவும், கரு-ணையை நம் செயலாகவும், நம்பிக்கையை, நம் பாதையாகவும் மாற்றிக்கொள்ளும் வலிமையை நமக்கு அளிக்கட்டும்.கிறிஸ்துமஸ்: மெதுவாக மனிதனாக மாறும் பயணம் கிறிஸ்-துமஸ். வேகமாக ஓடும் உலகத்தின் நடுவே மனிதனை ஒரு கணம் நிறுத்தி நிற்கச் செய்கிறது. சாதனை, இலக்கு, வெற்றி என, எண்ணிக்கைகளால் அளவிடப்படும் வாழ்க்கையில், உணர்வுக-ளுக்கும் கருணைக்கும் இடமளிக்க சொல்லும் ஒரு அமைதியான அழைப்பு இது. மென்மையான ஒரு செயல், பொறுமையுடன் கூறும் ஒரு வார்த்தை, கவனத்துடன் செலுத்தும் ஒரு கணம் ஆகிய அனைத்தும் உலகை மாற்றும் ஆற்றலை கொண்டவை என்பதை, கிறிஸ்துமஸ் உணர்த்துகிறது.

அன்பு: மனிதர்களை இணைக்கும் பொது மொழி கிறிஸ்துமஸ். ஒரு மத எல்லைக்குள் மட்டும் நிற்கும் திருநாள் அல்ல. அது மனித குலம் முழுதுக்குமான ஒரு ஆழமான நினைவூட்டல். எளிமை, அமைதி நிறைந்த கிறிஸ்து பிறப்பு, மனித வாழ்க்-கையின் மையம், அதிகாரம், போட்டி அல்ல; அன்பு, பரிவு, இணைதல் என்பதை உலகுக்கு மென்மையாக அறிவித்தது. அதனால் தான் கிறிஸ்துமஸ், மொழி, நம்பிக்கை வேறுபாடுகளை தாண்டி மனித உள்ளங்களை தொடுகிறது. இந்த கிறிஸ்துமஸ், வர உள்ள புது ஆண்டு, அனைவரது வாழ்வில் அன்பு, அமைதி, நம்பிக்கை நிறைந்து மலரட்டும்.