சேலம் மாநகராட்சி கவுன்சிலர் கூட்டம் நேற்று நடந்தது. தி.மு.க.,வை சேர்ந்த, மேயர் ராமச்சந்திரன் தலைமை வகித்தார். அதில் கவுன்சிலர்கள் பேசியதாவது:

தி.மு.க., இளங்கோ: அம்மாபேட்டையில் பாலம் கட்டுவதற்கு குழி தோண்டப்பட்டது. அதற்கு பிரதான சாலை துண்டிக்கப்-பட்டு, 3 மாதங்களாகியும் இன்னும் பணி முடியவில்லை. குடிநீர் குழாய்கள் உடைக்கப்பட்டுள்ளன. ஆனால்,

அதிகாரிகள், பொறுப்-பின்றி அலட்சியத்துடன் செயல்படுகின்றனர். மழைக்கால அவசர பணிகளுக்கு பணம் ஒதுக்க முடியாத நிலையில், கமிஷனர் அலு-வலகம், 49 லட்சம் ரூபாயில் அழகுபடுத்தப்பட்டுள்ளது. இது அவசியமா?

வி.சி., இமயவர்மன்: மாநகராட்சி அலுவலகங்கள், அரசு சுவர்-களில் விளம்பர பிளக்ஸ்கள் நிரம்பி வழிகின்றன. இவற்றை அகற்-றுவதே இல்லை. அதிகாரிகள் என்ன செய்கின்றனர்? 'நமக்கு நாமே' திட்டத்தில் மக்கள் ஒதுக்கீடு

பணத்தை கொடுத்து, 8 மாதங்களுக்கு மேலாகியும் பணி தொடங்கப்படவில்லை.

தி.மு.க., உமாராணி: பாறைக்காட்டில் மழை வந்தால் எப்போ-துமே மோட்டார் வைத்து தண்ணீர் வெளியேற்றும் நிலை உள்-ளது. இதற்கு தீர்வு காண வேண்டும்.

தி.மு.க., திருஞானம்: புனரமைக்கப்பட்ட குமரகிரி ஏரியில் ஆகா-யத்தாமரைகள் படர்ந்துள்ளன. அவற்றை அகற்றுவதோடு கம்பி வேலி அமைத்து பாதுகாப்பு வசதி ஏற்படுத்த வேண்டும்.

அதிகாரிகள் நெருக்கடி

தி.மு.க., சரவணன்: 56வது வார்டில் பவர்லுாம் தொழிலின் உப தொழிலான வார்ப்பிங், வைண்டிங் உள்ளிட்ட தொழில்கள், குடிசை தொழிலாக செய்யப்படுகின்றன. இதற்கு அரசு, 500 யூனிட் மின்சாரம் இலவசமாக வழங்குகிறது.

ஆனால், மாநக-ராட்சி அதிகாரிகள் தற்போது இவர்களுக்கு வணிக இடத்துக்கான வரி, தொழில் வரி உள்ளிட்டவை செலுத்த நெருக்கடி கொடுக்-கின்றனர். இதை கைவிட வேண்டும்.

அ.தி.மு.க., செல்வராஜ்: சேலத்தை சேர்ந்தவர் அமைச்சரானதற்கு, இங்கு மகிழ்ச்சி தெரிவித்தனர். அவர் சேலம் மாநகராட்சிக்கு கூடுதல் நிதி பெற்றுத்தந்தால்தான் உண்மையான மகிழ்ச்சியாக இருக்கும். பாதாள சாக்கடை திட்ட

பணி, ஒப்பந்தப்படி நடக்-காமல் தரக்குறைவாக நடந்துள்ளது. இதனால் பணி நிறுத்தி வைக்கப்பட்டுள்ளதாக அதிகாரிகள் தெரிவிக்கின்றனர். இதுகு-றித்த ஒப்பந்த விதிமுறை குறித்த ஆவணங்களை கவுன்சிலர்க-ளுக்கு வழங்க

வேண்டும். ஒவ்வொரு திட்ட பணியிலும் ஒப்பந்த-தாரரிடம் ஒப்படைத்த பின் மீண்டும் கூடுதல் செலவினம் எனக்-கூறி நிதி ஒதுக்கீடு செய்யப்படுகிறது. இது அதிகாரிகள் திட்டமிடு-தலில் தவறு செய்வதாக தெரியவில்லை.

முறைகேடுகளுக்காகவே திட்டமிட்டு செய்வதாக தோன்றுகிறது.

அ.தி.மு.க., வெளிநடப்பு

இதையடுத்து மேயர் ராமச்சந்திரன், ஆளுங்கட்சி தலைவரை தீர்-மானங்களை வாசிக்க அறிவுறுத்தினார். அப்போது எதிர்க்கட்சி தலைவர் யாதவ மூர்த்தி, பேச வாய்ப்பளிக்காததை கண்டித்து கோஷம் எழுப்பினார். தொடர்ந்து

தீர்மானம் வாசிக்கப்பட்டதால், அ.தி.மு.க., கவுன்சிலர்கள் அனைவரும் வெளிநடப்பு செய்தனர்.

இதுகுறித்து யாதவமூர்த்தி கூறுகையில், ''குடிநீர் பராமரிப்புக்கு என, 1 மாதத்தில், 1.10 கோடி ரூபாய் நிதி ஒதுக்கியுள்ளனர். ஆனாலும், 10 நாட்களுக்கு ஒருமுறை தான் குடிநீர் வருகிறது. தொழில் வரி வசூல் கணக்கு

காட்டப்படுவதில்லை. அது எங்கே போகிறது? மழைநீர் வடிகால் உட்கட்டமைப்பு செய்ய முடிய-வில்லை என்பது உள்ளிட்ட கேள்விகள் எழுப்ப இருந்த நிலையில், எனக்கு பேச வாய்ப்பு அளிக்கவில்லை. 3 ஆண்டுக-ளாக,

அ.தி.மு.க., கவுன்சிலர்கள் வஞ்சிக்கப்படுகின்றனர். அதை கண்டித்து வெளிநடப்பு செய்துள்ளோம்,'' என்றார்.