அ.தி.மு.க., சார்பில், சேலம் மாநகர் மாவட்ட செயலர் பாலு தலைமையில் கட்சியினர், மாலை அணிவித்து மரியாதை செலுத்தினர். அவைத்தலைவர் பன்னீர்செல்வம், தெற்கு எம்.எல்.ஏ., பாலசுப்ரமணியன், பொருளாளர் வெங்கடாஜலம், முன்னாள் எம்.எல்.ஏ.,க்கள், நிர்வாகிகள் பங்கேற்றனர்.

தி.மு.க.,வின் சேலம் மேற்கு மாவட்டம் சார்பில், தாரமங்கலத்தில், எம்.பி., செல்வகணபதி தலைமையில் கட்சியினர், அண்ணாதுரை சிலைக்கு மாலை அணிவித்து இனிப்பு வழங்கி கொண்டாடினர். நகர செயலர் குணசேகரன், ஒன்றிய செயலர் பாலகிருஷ்ணன், மாவட்ட துணை செயலர்கள் உள்ளிட்ட கட்சியினர் பங்கேற்றனர்.

பனமரத்துப்பட்டி தி.மு.க., சார்பில், சேலம் கிழக்கு மாவட்ட துணை செயலர் சுரேஷ்குமார், வீரபாண்டி தொகுதி பொறுப்பாளர் கிருபாகரன் உள்ளிட்டோர், அண்ணாதுரை சிலைக்கு மாலை அணிவித்தனர். அ.தி.மு.க., சார்பில், வீரபாண்டி தொகுதி எம்.எல்.ஏ., ராஜமுத்து மாலை

அணிவித்தார்.

அயோத்தியாப்பட்டணம், உடையாப்பட்டியில், அண்ணாதுரை சிலைக்கு, தெற்கு ஒன்றிய தி.மு.க., செயலர் விஜயகுமார் தலைமையில் கட்சியினர், மாலை அணிவித்தனர். அ.தி.மு.க., சார்பில், அயோத்தியாப்பட்டணம் தெற்கு ஒன்றிய செயலர் ராஜ

சேகரன் தலைமையில் மரியாதை செலுத்தப்பட்டது.

இடைப்பாடியில் அண்ணாதுரை படத்துக்கு, தி.மு.க.,வை சேர்ந்த, நகராட்சி தலைவர் பாஷா, மாலை அணிவித்தார். அ.தி.மு.க., சார்பில், நகர செயலர் முருகன், மாலை அணிவித்தார்.

ஆத்துார், கோட்டையில் உள்ள அண்ணாதுரை சிலைக்கு, அ.தி.மு.க.,வின் சேலம் புறநகர் மாவட்ட செயலர் இளங்கோவன், மாலை அணிவித்தார். எம்.எல்.ஏ.,க்களான, ஆத்துார் ஜெயசங்கரன், கெங்கவல்லி நல்லதம்பி உள்பட பலர் பங்கேற்றனர்.