வந்தனர்.

தொடர்ந்து, 7:25 மணிக்கு கோபுர கலசத்தில் புனிதநீரை ஊற்றி கும்பாபிஷேகம் நடத்தி வைத்தனர். அதேபோல் விநாயகர், கருப்பசாமி உள்பட, கோபுர கலசம் மற்றும் பத்ரகாளியம்மன் மீது புனிதநீர் ஊற்றினர்.

இதனிடையே சாரல் மழை பெய்தபோதும், ஏராளமான பக்தர்கள், பத்ரகாளியம்மனை தரிசித்தனர். 3 இடங்களில் அன்னதானம் வழங்கப்பட்டது. சுற்றுலாத்துறை அமைச்சர் ராஜேந்திரன், பசுமை பிரசாதமாக, 2,000 மரக்கன்று வழங்கும் நிகழ்வை தொடங்கி வைத்தார்.

எம்.எல்.ஏ.,க்களான, ஓமலுார் மணி, சங்ககிரி சுந்தரராஜன், கோவில் உபயதாரர்கள், அறநிலையத்துறையினர், பக்தர்கள், அம்மனை தரிசித்தனர். தாரமங்கலம் இன்ஸ்பெக்டர் சுப்ரமணியம் தலைமையில் போலீசார், பாதுகாப்பு பணியில் ஈடுபட்டிருந்தனர்.

தீர்த்தக்குட ஊர்வலம்

தாரமங்கலம் போஸ்ட் ஆபீஸ் அருகே உள்ள ராஜகணபதி கோவில் கும்பாபி

ஷேகத்தை முன்னிட்டு, தீர்த்தக்குட ஊர்வலம் நேற்று நடந்தது. ஜலகண்டாபுரம் சாலையில் உள்ள வேலாயுத சுவாமி கோவிலில் இருந்து, ஊர்வலம் தொடங்கியது. காளைகள் முன்புறம் செல்ல, ஏராளமான பக்தர்கள் தீர்த்தக்குடம், பால்குடம், முளைப்பாரி எடுத்து முக்கிய சாலை வழியே ஊர்வலமாக கோவிலை அடைந்தனர்.

இன்று அதிகாலை, 4:30 மணிக்கு இரண்டாம் கால யாகவேள்வி செய்து, 6:00 மணிக்கு மேல், 7:00 மணிக்குள் கும்பாபிஷேகம் நடக்க உள்ளது.