இந்நிலையில் கடந்த, 2ம் தேதி அவருக்கு மூளைச்சாவு ஏற்பட்-டது. இதையடுத்து அவரது தாய் லலிதா, சகோதரர் ஸ்ரீதர் ஆகியோர், மோகன்ராஜின் உடல் உறுப்புகளை தானம் செய்ய முன்வந்தனர். தமிழ்நாடு உறுப்பு தான ஆணையத்தின் அனுமதி-யுடன், அவரது இருதயம் மற்றும் சிறுநீரகங்கள் தானமாக பெறப்-பட்டன. சிறுநீரகங்கள் கே.எம்.சி.ஹெச்., மருத்துவமனைக்கும், இருதயம் கோவையில் உள்ள தனியார் மருத்துவமனைக்கும் வழங்கப்பட்டது.கே.எம்.சி.ஹெச்., உறுப்பு மாற்று அறுவை சிகிச்சை நிபுணர்கள், உறுப்புகளை மற்ற நோயாளிகளுக்கு பொருத்துவதற்கு, தகுந்த நேரத்தில் திறம்பட செயல்பட்டு உறுப்புகளை அனுப்பி வைத்-தனர்.இது குறித்து, கே.எம்.சி.ஹெச்., மருத்துவமனை தலைவர் டாக்டர் நல்ல பழனிசாமி கூறுகையில், ''மக்களிடையே உடல் உறுப்பு தானம் குறித்து, அதிக விழிப்புணர்வு தேவைப்படுகிறது. ஒருவர் இறந்த பிறகு, அவரது உடல் உறுப்புகள் தானமாக வழங்கப்-பட்டால், அது பலரது உயிரை காப்பாற்ற உதவும். உடல் உறுப்பு தானம் வழங்கிய மோகன்ராஜ் குடும்பத்திற்கு நன்றி,'' என்றார்.