சேலம், கிச்சிப்பாளையம், எருமாபாளையம் பிரதான சாலை-யோரம் உள்ள ஒரு வீட்டின் மொட்டை மாடியில், 'ஏர்செல்' நிறு-வனம் சார்பில், 2016ல், மொபைல் போன் கோபுரம் அமைக்கப்-பட்டது. 2018ல் அந்நிறுவனம் மூடப்பட்டது. பல ஆண்டுகளாக, அதற்கான வாடகை தரப்படவில்லை. மொபைல் போன் நிறுவ-னத்தில் இருந்தும், அந்த வீட்டினரை தொடர்பு கொள்ளவில்லை.தமிழகத்தின் பல்வேறு பகுதிகளில் மொபைல் போன் கோபு-ரங்கள் மாயமாகின. இதனால், அந்நிறுவன செயல் அலுவலரான, சென்னை, கீழ்பாக்கத்தை சேர்ந்த தமிழரசன், இரு நாட்களுக்கு முன், சேலத்தில் உள்ள மொபைல் போன் கோபுரத்தை பார்வை-யிட வந்தார்.

ஆனால், வடிவேலு ஒரு படத்தில் கூறும், 'கிணத்த காணோம்' காமெடி காட்சி போன்று, அங்கு, 17.74 லட்சம் ரூபாய் மதிப்பில் அமைக்கப்பட்டிருந்த, 75 அடி உயர மொபைல் போன் கோபுரத்தையே காணவில்லை. மேலும், அங்கு கோபுரம் இருந்த-தற்கான அடையாளமே இல்லை. இதனால் அதிர்ச்சி அடைந்த அவர், அந்த குடும்பத்தினர், அக்கம் பக்கத்தினரிடம் விசாரித்தார்.

அப்போது சிலர், 'சில ஆண்டுக்கு முன், சிலர், மொபைல் போன் கோபுர பாகங்களை பிரித்து எடுத்து, லாரியில் எடுத்துச்-சென்றனர். நிறுவனம் மூடப்பட்டதால், அவர்கள் தான் எடுத்துச்-செல்கின்றனர் என யாரும் கண்டுகொள்ளவில்லை' என கூறினர். இதனால் தமிழரசன், நேற்று முன்தினம் அளித்த புகார்படி, கிச்-சிப்பாளையம் போலீசார் விசாரிக்கின்றனர்.