கெங்கவல்லி, சேலம் மாவட்டம் கெங்கவல்லி அரசு ஆண்கள் மேல்நிலைப்பள்ளி வளாகத்தில், 'நலம் காக்கும் ஸ்டாலின்' திட்ட மருத்துவ முகாம் நேற்று நடந்தது. அங்கு, 17 வகை நோய்களுக்கு சிகிச்சை, பரிசோதனை செய்யப்பட்டது. ஆனால் சிறப்பு அழைப்பாளர்களை வரவேற்க, பள்ளி நுழைவு பகுதி இருபுறமும், 'ரோஜா' பூக்களுடன் மாணவர்கள் நிற்க வைக்கப்பட்டனர். அரை மணி நேரத்துக்கு மேல், சீருடையில் மாணவர்களை நிற்க வைத்தது சர்ச்சையை ஏற்படுத்தியது.