கடந்த 15 ஆண்டுகளுக்கு மேலாக, போதிய மழை இல்லாமல் ஏரி வறண்டதால், சீமை கருவேல மரங்கள் வளர்ந்து புதர்மண்டியுள்ளது. பனமரத்துப்பட்டி ஏரியை சீரமைத்து, சுற்றுலா தலமாக்க வேண்டும் என, பல்வேறு தரப்பினர் நீண்ட காலமாக வலியுறுத்தி வருகின்றனர்.

நேற்று முன்தினம் மாலை, பனமரத்துப்பட்டி ஏரி வளாகத்தில், தமிழ்நாடு ஏரி இயற்கை பாதுகாப்பு இயக்கம் சார்பில், ஆலோசனை கூட்டம் நடந்தது. அதில், விவசாயிகள், பொதுமக்கள், பல்வேறு அமைப்பினர் ஏரி சீரமைப்பு குறித்து தங்கள் கருத்துகளை தெரிவித்தனர். பனமரத்துப்பட்டி ஏரி போராட்ட குழு சார்பில் வரும் ஜன., 5 முதல் தொடர் உண்ணாவிரதம் போராட்டத்தில் ஈடுபடுவது என, முடிவு செய்தனர்.

தமிழ்நாடு ஏரி இயற்கை பாதுகாப்பு இயக்க ஒருங்கிணைப்பாளர் சரவணன், காமராஜர் உழவர் மன்ற ஒருங்கிணைப்பாளர் ஈஸ்வரமூர்த்தி, அனைத்து விவசாய சங்க ஒருங்கிணைப்பு குழு மாவட்ட தலைவர் தங்கவேல் உள்ளிட்டோர் பங்கேற்றனர்.