பனமரத்துப்பட்டி : சேலம் மாவட்டம் பனமரத்துப்பட்டி வட்டாரத்தில் பள்ளிதெருப்பட்டி, பெரமனுார், வாழக்குட்டப்பட்டி, பனமரத்துப்பட்டி உள்ளிட்ட பகுதிகளில், 150 ஏக்கரில் குண்டுமல்லி செடிகள் பயிரிடப்பட்டுள்ளன. ஆனால் ஒரு மாதமாக, குளிர், பனி, மழை என பருவ நிலை மாறியதால், மல்லி உற்பத்தி சரிந்துள்ளது. ஆரம்ப நிலையில் உள்ள அரும்பு, பனிப்பொழிவால் வளர்ச்சி குன்றி விடுகிறது. அதை மீறி வளரும் சிறு மொக்குகளை புழுக்கள் சாப்பிட்டு விடுகின்றன. இதனால் பூ உற்பத்தியின்றி செடிகள் வெறுமையாக காணப்படுகின்றன.