கிருஷ்ணகிரி மாவட்டம், ஊத்தங்கரை, கே.எட்டிப்பட்டி, கூணம்பட்டியை சேர்ந்தவர் சச்சின், 20. சேலம், கருப்பூர் அரசு பொறியியல் கல்லுாரியில், 4ம் ஆண்டு படிக்கிறார்.

கடந்த, 24ல், அதே பிரிவை சேர்ந்த, 3ம் ஆண்டு மாணவர்கள் மற்றும் மின்னியல் பிரிவை சேர்ந்த மாணவர்கள், தொழிற்சாலைகளை பார்வையிட, மைசூரு, கொச்சின் புறப்பட தயாராகிக் கொண்டிருந்தனர்.

அப்போது, 3ம் ஆண்டு மாணவர்கள் சிலர், பட்டாசு வெடிக்க, அதில் இருந்து சிதறிய நெருப்பு, மாணவர் தேனிஷ் காலில் பட்டு காயம் ஏற்பட்டது. இதனால், மாணவர்களுக்குள் வாக்குவாதம் ஏற்பட்டது.

தொடர்ந்து, தங்கியிருந்த தனியார் விடுதிக்குள் சென்ற மாணவர்கள், இரு கோஷ்டிகளாக சண்டையிட்டுக் கொண்டனர். இதில், சாப்பாடு தட்டால் சச்சின் தாக்கப்பட, தலையில் ரத்தக்காயம் ஏற்பட்டது.

அவர், ஓமலுார் அரசு மருத்துவமனையில் அனுமதிக்கப்பட்டார். சச்சின் புகாரில், மாணவர்கள் பிரவீன், தினேஷ் மீது வழக்கு பதிந்து, கருப்பூர் போலீசார் விசாரித்து வருகின்றனர்.