மருத்துவமனை ஊழியர்கள், மக்கள் கொண்டு வரும் பைக், மொபட், கார் உள்ளிட்ட வாகனங்களை நிறுத்த, ஆங்காங்கே ஏற்பாடு செய்யப்பட்டுள்ளன.கடந்த வாரம், மருத்துவமனை ஊழியர்களுக்கு வாட்ஸாப் மூலம் சுற்றறிக்கை அனுப்பப்பட்டது. அதில், 'மருத்துவமனை வளாகத்தில் இருசக்கர, நான்கு சக்கர வாகனங்களை நிறுத்த, 15 ரூபாய் செலுத்த வேண்டும். அதற்கான அனுமதி சீட்டு பெற வேண்டும். மேலும், ஆர்.எம்.ஓ., அலுவலகத்தில் ஆன்லைன் மூலம் கட்டணம் செலுத்தி, பாஸ் பெற்றுக்கொள்ளலாம்' என கூறப்பட்டுள்ளது.

மருத்துவமனை ஊழியர்கள் கூறுகையில், 'எங்கள் வாகனங்களை நிறுத்த, 15 ரூபாய் வசூலிக்கப்படுகிறது. இதை மருத்துவமனை நிர்வாகம் பரிசீலனை செய்து, பணியாளர்களிடம் கட்டணம் வசூலிப்பதை தவிர்க்க வேண்டும்' என்றனர்.டீன் தேவிமீனாள் கூறுகை யில், ''மருத்துவமனையில் பணிபுரியும் ஊழியர்களுக்கு, ஆண்டுதோறும் வாகனங்களுக்கு அனுமதிச்சீட்டு வழங்க, கட்டணம் வசூலிப்பது வழக்கமான நடைமுறைதான்,'' என்றார்.