இந்நிலையில் கோடை விடுமுறையை முன்னிட்டு வரும், 31 முதல், சேலம் - சென்னை விமான சேவையை அதிகரிக்க, இண்டிகோ நிறுவனம் முடிவு செய்துள்ளது. அதன்படி திங்கள், புதன், வெள்ளி, ஞாயிறு ஆகிய நாட்களில் சென்னையில் காலை, 10:40க்கு புறப்படும் விமானம், 11:40க்கு சேலம் வரும். இங்கிருந்து மதியம், 12:00க்கு ஹைதராபாத் புறப்படும். மீண்டும் அங்கிருந்து புறப்பட்டு மாலை, 4:25க்கு சேலம் வந்து, 5:00 மணிக்கு சென்னை புறப்படும். இதன்மூலம் மேற்கண்ட நாட்களில் தினமும் இருமுறை சென்னைக்கு விமான சேவை இயக்கப்பட உள்ளது.

அதேநேரம் செவ்வாய், வியாழன், சனி ஆகிய நாட்களில் சென்னைக்கு ஒருமுறை மட்டும் விமானம் இயக்கப்படும். அதன்படி சென்னையில் காலை, 10:40க்கு புறப்படும் விமானம், 11:40க்கு சேலம் வரும். அங்கிருந்து மதியம், 12:00க்கு சென்னை புறப்படும். இத்தகவலை, 'இண்டிகோ' நிறுவன சேலம் மேலாளர் அக் ஷய்குமார் தெரிவித்தார்.