ஆட்டையாம்பட்டி ஓம்சக்தி விநாயகர் கோவில் வளாகத்தில் உள்ள, சுவாமி ஐயப்பன் கும்பாபிேஷக விழா, நேற்று முன்தினம் மாலை கணபதி யாகத்துடன் தொடங்கியது. தொடர்ந்து திருவிளக்கு பூஜை, மகா கணபதி, லட்சுமி, சுதர்சன யாகங்கள் நடத்தப்பட்டன. நேற்று காலை 8:00 மணிக்கு இரண்டு கால யாகசாலை பூஜைகள், மகா பூர்ணாஹூதியுடன் நிறைவடைந்து, அதில் வைக்கப்பட்டிருந்த புனிதநீர் கலசங்களை, சிவாச்சாரியார்கள் தலையில் சுமந்து கொண்டு, கோவிலை வலம் வந்தனர். தொடர்ந்து, 9:00 மணிக்கு கூடியிருந்த ஏராளமான பக்தர்களின், 'சுவாமியே சரணம் ஐயப்பா' கோஷம் முழங்க, சுவாமி ஐயப்பன் சன்னதி கோபுர கலசங்கள் மீது ஊற்றி கும்பாபி ேஷகத்தை நடத்தி வைத்தனர். ஏராளமான பக்தர்கள் வழிபட்டனர். அவர்களுக்கு அன்னதானம் வழங்கப்பட்டது.