பின், எஸ்.எஸ்.ஐ. முருகன் தலைமையில் போலீசார் சம்பவ இடத்திற்கு சென்றனர். அங்கு தவறி விழுந்த வாலிபர் பலத்த காயமடைந்து சடலமாக கிடந்தார். அவரது உடலை கைப்பற்றி, விசாரணை நடத்தியதில் சேலம் மாவட்டம், ஆத்துார் கொண்டேவலசு பகுதியை சேர்ந்த சதா-சிவம், 21, என தெரியவந்தது. இவர் சென்னை தாம்பரத்தில் உள்ள, தனியார் நிறுவனத்தில் வேலை பார்த்து வருவதும், ஊருக்கு திரும்பி வரும்போது ரயிலில் இருந்து தவறி விழுந்து உயிரிழந்ததும் தெரியவந்தது. இதையடுத்து போலீசார் விசாரணை நடத்தி வருகின்றனர்.வாகனம் மோதி தொழிலாளி பலி

பனமரத்துப்பட்டி, செப். 1

சேலம், சூரமங்கலம் போடிநாயக்கன்பட்டியை சேர்ந்த கூலி தொழிலாளி முருகேசன், 45. இவர், மல்லுார் அருகே கொட்டாய்வலவு பகுதியில் உறவினர் வீட்டில் தங்கி, வேலைக்கு சென்று வந்தார். நேற்று முன்தினம் இரவு, 7:40 மணிக்கு அம்மாபாளையம் பஸ் ஸ்டாப் அருகே, சேலம் - நாமக்கல் நெடுஞ்சாலையை, முருகேசன் நடந்து கடக்க முயன்றார். அப்போது, அந்த வழியாக சென்ற அடையாளம் தெரியாத வாகனம், அவர் மீது மோதியது. இதில் சம்பவ இடத்திலேயே அவர் உயிரிழந்தார். விபத்தை ஏற்படுத்திவிட்டு நிற்காமல் சென்ற வாகனத்தை, மல்லுார் போலீசார் தேடி வருகின்றனர்