மேட்டூர் அணையின் மொத்த நீர்மட்டம், 120 அடி. தமிழகம் - கர்நாடகா எல்லையிலுள்ள காவிரி நீர்பிடிப்பு பகுதியில் மழை தீவிரம் குறைந்ததால், நேற்று முன்தினம் வினாடிக்கு, 6,422 கன-அடியாக இருந்த அணை நீர்வரத்து, நேற்று, 6,229 கனஅடியாக சரிந்தது. அணையில் இருந்து டெல்டா பாசனத்துக்கு வினாடிக்கு, 1,000 கனஅடி நீர் திறக்கப்பட்டது.நேற்று முன்தினம், 108.97 அடியாக இருந்த அணை நீர்மட்டம், நேற்று, 109.24 அடியாக உயர்ந்தது. அதேபோல், 76.95 டி.எம்.சி.,யாக இருந்த நீர் இருப்பு, நேற்று, 77.33 டி.எம்.சி.,யாக அதிகரித்தது.