இதுகுறித்து, இஸ்ரோ முன்னாள் உறுப்பினர், சோனா ஸ்பீட் தலைவர் கண்ணன், சோனா கல்லுாரி முதல்வர் செந்தில்குமார் கூறியதாவது:

இஸ்ரோ பணிக்கு பங்களிக்க, நாட்டின் எதிர்கால விண்வெளி முயற்சிகளை ஆதரிக்க அர்ப்பணிப்புடன் இருக்கிறோம். இந்த வெற்றிகர ஒருங்கிணைப்பு, இந்தியாவில் உள்ள கல்வி நிறுவன ஆய்வகங்கள்,- குறிப்பாக பெருநகரங்கள் அல்லாத பகுதிகளில் இருந்து, -உலகளாவிய விண்வெளி ஆய்வின் தேவைகளை பூர்த்தி செய்ய முடியும் என்பதை மீண்டும் உறுதிப்படுத்துகிறது. சோனா ஸ்பீட்டின் பங்களிப்பு, இந்தியாவின் தன்னம்பிக்கையை அதிகரிப்பது மட்டுமின்றி, உயர் துல்லிய விண்வெளி பொறியியலில் உள்நாட்டில் வளர்க்கப்படும் கண்டுபிடிப்புகளுக்கு கலங்கரை விளக்கமாகவும் செயல்படுகின்றன.

இவ்வாறு அவர்கள் கூறினர்.