மத்திய அரசு, தமிழகத்துக்கு தர வேண்டிய நிதியுதவியை வழங்காமல் மறுத்து வருவதை மக்களிடையே எடுத்து சொல்ல வேண்டும். அத்துடன் பெட்ரோல், டீசல், காஸ் விலை உயர்வு பற்றி பிரசாரம் செய்து, கடந்த இரண்டரை ஆண்டில், தி.மு.க., அரசின் மக்கள் நலத்திட்டங்களை பட்டியலிட்டு பேச வேண்டும். குறிப்பாக பெண்களுக்கான திட்டங்களை, வீடு, வீடாக சென்று திண்ணை பிரசாரம் செய்து, சேலம் லோக்சபா தேர்தலில், தி.மு.க., வேட்பாளரை, 7 லட்சம் ஓட்டு வித்தியாசத்தில் வெற்றிபெற செய்ய, இரவு, பகல் பாராமல் உழைக்க வேண்டும் என கேட்டு கொண்டார்.

மாநகர் செயலர் ரகுபதி, வடக்கு தொகுதி பொறுப்பாளர் ராஜேந்திரன், பகுதி செயலர்கள் பிரகாஷ், ராஜா, மோகன், பொறுப்பாளர்கள் சரவணன், மணி, முருகன், செரிப் உள்பட பலர் கலந்து கொண்டனர்.