சேலம்: சேலம், அமானி கொண்டலாம்பட்டி, அரசமரத்துக்காட்டூரை சேர்ந்தவர் சரவணன், 62. இவருடன் கூட்டாளிகள், 9 பேர் சேர்ந்து, 2015ல் மணியனுாரில் கேரம் போர்டு விளையாடினர். அப்போது ஏற்பட்ட தகராறில் மனோஜ்குமார் என்பவரை கொலை செய்தனர். இதுதொடர்பாக அன்னதானப்பட்டி போலீசார், சரவணன் உள்பட, 9 பேரை கைது செய்தனர். தொடர்ந்து கடந்த, 9ல் சேலம் நீதிமன்றத்தில், சரவணன் உள்பட, 9 பேருக்கும் ஆயுள் தண்டனை விதிக்கப்பட்டது. அவர்கள், சேலம் மத்திய சிறையில் அடைக்கப்பட்டனர்.