சேலம்: சேலம், சன்னியாசிகுண்டை சேர்ந்தவர் தனபால், 75. இவருக்கு, 10,000 சதுரடி நிலம் அதே பகுதியில் உள்ளது. அதில் பங்கை பிரித்து தரக்கோரி, அவரது மகன் ஸ்ரீதர், 42, அடிக்கடி தந்தையிடம் தகராறு செய்து வந்தார். நேற்று முன்தினம் மதியம், தனபாலிடம் நிலம் குறித்து கேட்டு மீண்டும் தகராறில் ஈடுபட்டார். அப்போது நிலத்தை பிரித்து தர முடியாது என தனபால் கூறியதால், ஆத்திரமடைந்த ஸ்ரீதர், கத்தியால் குத்தி கொலை செய்தார். இதனால் ஸ்ரீதரை, கிச்சிப்பாளையம் போலீசார் கைது செய்தனர். இதற்கு உடந்தையாக இருந்ததாக, தனபாலின் தம்பி நடராஜ், 65, என்பவரையும் நேற்று போலீசார் கைது செய்தனர்.