மேட்டூர் அணையின் மொத்த நீர்மட்டம், 120 அடி. கர்நாடகா அணைகளில் திறக்கப்பட்ட நீர் தொடர்ச்சியாக வந்ததால் கடந்த, 30ல், 43ம் முறை அணை நிரம்பியது. பின் நீர்வரத்து சரிய, 9ல் நீர்மட்டம், 119.59 அடியாக சரிந்தது. பின் நீர்வரத்து அதிகரிக்க, 12ல் நீர்மட்டம், 120 அடியாக உயர்ந்தது. இந்நிலையில் நேற்று முன்தினம் வினாடிக்கு, 12,500 கனஅடியாக இருந்த அணை நீர்வரத்து நேற்று, 8,563 கனஅடியாக சரிந்தது. இதனால், 9 நாட்கள், 120 அடியில் நீடித்த நீர்மட்டம் நேற்று, 119.76 அடியாக சற்று சரிந்தது. அணையில் இருந்து டெல்டா பாசனத்துக்கு வினாடிக்கு, 12,000 கனஅடி, கால்வாயில், 500 கனஅடி நீர் வெளியேற்றப்பட்டது.