சேலம் மாவட்டம், ஆத்துார் நகராட்சி கவுன்சிலர் கூட்டம் நேற்று, தி.மு.க.,வை சேர்ந்த நகராட்சி தலைவர் நிர்மலாபபிதா தலைமையில் நடந்தது. கூட்டத்தில் நடந்த விவாதம் வருமாறு:காங்., கவுன்சிலர் தேவேந்திரன்: ஆத்துாரில், மத்திய அரசு சார்பில் சிறுபான்மையினர் கல்லுாரி அமைப்பதற்கு, ஒப்புதல் தெரிவித்-துள்ளது. கல்லுாரி அமைக்க ஐந்து ஏக்கர் இடம் ஒதுக்கி தர வேண்டும்.

நகராட்சி கமிஷனர் சையதுமுஸ்தபா கமால்: இடம் குறித்து ஆய்வு செய்து தகவல் தெரிவிக்கப்படும்.அ.தி.மு.க., கவுன்சிலர் உமாசங்கரி: ஆத்துாரில் தெரு நாய் தொல்லை அதிகளவில் உள்ளது. சாக்கடைகளில் மருந்து தெளிக்-காததால், பட்டை புழுக்கள் அதிகமாக காணப்படுகிறது. சுகாதார சீர்கேடு, கொசுக்களால் டெங்கு காய்ச்சல் பரவும் சூழல் உள்ளது. அ.தி.மு.க., ஆட்சியில், மருந்து தெளிக்கப்பட்ட நிலையில், தற்-போது அப்பணிகள் மேற்கொள்வதில்லை.கமிஷனர் சையதுமுஸ்தபா கமால்: சாக்கடை துார் எடுத்து சுத்தம் செய்வதற்கு நடவடிக்கை எடுக்கப்படும்.தி.மு.க., கவுன்சிலர் தங்க வேல்: நகராட்சி அலுவலர்களிடம், எந்த வேலை சொன்னாலும் சரிவர பணிகள் மேற்கொள்வ-தில்லை. பணிகளை சரி செய்தால் தான், அரசுக்கு நல்ல பெயர் கிடைக்கும். அரசுக்கு கெட்டப்பெயர் ஏற்படுத்தும் வகையில், சரி-வர வேலை செய்யாதவர்கள் யாராக இருந்தாலும் ராஜினாமா செய்துவிட்டு செல்லுங்கள். கூட்டத்திற்கு வந்தோமா, சென்-றோமா என்று யாருமே இருக்காதீர்கள்.கமிஷனர் சையதுமுஸ்தபா கமால்: பணிகள் அனைத்தும் மேற்-கொள்ளப்பட்டு வருகிறது.இவ்வாறு விவாதம் நடந்தது.