ஏற்காட்டிலும் வெயில் தாக்கம் அதிகம் இருந்த நிலையில், சில நாட்களாக அடிக்கடி மழை பெய்து வருவதால், அங்கு வெயில் தாக்கம் குறைந்து ஏற்காடு முழுதும், 'குளுகுளு'வென மாறியுள்ளது. இந்த சூழலை ரசித்தபடி, சுற்றுலா பயணியர் ஏற்காட்டை சுற்றி சுற்றி குதுாகலம் அடைந்தனர்.

திடல் சீரமைப்பு

ஏற்காட்டில் கோடை விழா, மலர் கண்காட்சி நடத்துவதற்கான ஏற்பாட்டை, மாவட்ட நிர்வாகம் மேற்கொண்டுள்ளது. அதன் ஒரு பகுதியாக அண்ணா பூங்காவில் மலர் கண்காட்சி நடக்க உள்ள திடலை சீரமைக்கும் பணியில் பூங்கா ஊழியர்கள் ஈடுபட்டுள்ளனர். குறிப்பாக பழைய மேற்கூரையை அகற்றிவிட்டு புது சிமென்ட் சீட் போடும் பணியில் பூங்கா நிர்வாகத்தினர் ஈடுபட்டனர். தொடர்ந்து சிவப்பு கம்பளம் விரித்து மலர் தொட்டிகளை அடுக்குவதற்கான ஆயத்த பணிகளை மேற்கொண்டனர்.