விசாரணையில் நாமக்கல் மாவட்டத்தை சேர்ந்த தினேஷ்குமார் என்பவர் வங்கி கணக்குக்கு ராபர்ட் பணம் 15 லட்சம் ரூபாய் சென்றது தெரியவந்தது. சிவகங்கை சைபர் கிரைம் போலீசார் ஜூலை 23ல் தினேஷ்குமாரை கைது செய்து நீதிமன்றத்தில் ஆஜர் படுத்தி சிறையில் அடைத்தனர்.

போலீசார் கூறியதாவது: தினேஷ்குமார் கடன் பிரச்னையில் இருந்துள்ளார். நாமக்கல்லில் ராஜேஷ் என்பவருடன் பழக்கம் ஏற்பட்டது. தினேஷ்குமார் வங்கி கணக்கை வாடகைக்கு கொடுத்தால், 1 சதவீத கமிஷன் தருவதாக ராஜேஷ் கூறியுள்ளார். அதன்படி தன் வங்கிக் கணக்கு விபரத்தை தினேஷ்குமார் கொடுத்துள்ளார். மூன்று கோடி ரூபாய் வரை தினேஷ்குமார் வங்கி கணக்கில் வரவு வைக்கப்பட்டுள்ளது. இதற்காக 3 லட்சம் ரூபாயை கமிஷனாக தினேஷ்குமாருக்கு அந்த மோசடி கும்பல் கொடுத்துள்ளனர். ராஜேஷை தேடி வருகின்றோம் என்றனர்.