காளையார் கோவில் வைகாசி விசாக திருவிழாவை முன்னிட்டு இரட்டை மாட்டு வண்டி பந்தயம் நடந்தது. பெரிய மாடு, சிறிய மாடு என இரு பிரிவுகளாக போட்டி நடந்தது. பெரிய மாடு பிரிவில் 5 மாட்டு வண்டிகளும், சிறிய மாட்டு பிரிவில் 14 வண்டிகள் என 19 மாட்டு வண்டிகள் கலந்து கொண்டன. தொண்டி மதுரை சாலையில் நடந்த போட்டியில் பெரிய மாட்டுப் பிரிவிற்கு 8 கி.மீ., துாரமும், சிறிய மாடுகளுக்கு 6 கி.மீ., துாரமும் விழா குழுவினரால் நிர்ணயம் செய்யப்பட்டது.

போட்டியில் மதுரை, சிவகங்கை, புதுக்கோட்டை, திண்டுக்கல், உள்ளிட்ட பல்வேறு மாவட்டங்களில் இருந்து மாடுகள் பங்கேற்றன. போட்டியில் முதல் நான்கு இடங்களை பிடித்து வெற்றி பெற்ற மாட்டின் உரிமையாளர்களுக்கும், சாரதிகளுக்கும், கேடயமும், ரொக்க பரிசும் வழங்கப்பட்டது.