அனைத்து பகுதிகளிலும் விவசாயிகள் மண்ணை வளப்படுத்தும் வகையில் செயற்கை உரங்களுக்கு மாற்றாக தற்போது மீண்டும் இயற்கை உரங்களை பயன்படுத்த துவங்கியுள்ளனர்.

மானாமதுரை சுற்றுவட்டார பகுதிகளான கட்டிக்குளம் மிளகனுார், பீசர்பட்டினம், கால்பிரவு உள்ளிட்ட கிராம பகுதிகளில் இயற்கை உரங்களுக்கு முக்கியத்துவம் கொடுக்கும் வகையில் தற்போது வயல்களில் தக்கை பூண்டு செடிகளை வளர்த்து வருகின்றனர்.

2 மாதங்களில் நன்கு வளர்ந்த நிலையில் தக்கை பூண்டு செடிகளை உழுது அதே நிலத்தில் உரமாக பயன்படுத்துவதன் மூலம் பயிர்களுக்கு தேவையான இயற்கை சத்துக்கள் அதிகம் கிடைப்பதால் விவசாயிகள் தற்போது தக்கை பூண்டு செடிகளை அதிகளவில் வளர்ப்பதில் ஆர்வம் காட்டுகின்றனர்.