சிவகங்கை தேவஸ்தானத்திற்குட்பட்ட இக்கோயிலின் ஆனித் திருவிழா ஜூன் 12ம் தேதி கொடியேற்றத்துடன் தொடங்கியது.

பத்து நாள் விழாவாக தினமும் காலை இரவு நேரங்களில் பஞ்சமூர்த்தி புறப்பாடு நடந்தது. ஜூன் 17ம் தேதி கழுவன் விரட்டு திருவிழா, ஜூன் 18ம் தேதி மீனாட்சியம்மன் பட்டாபிஷேகம் நடந்தது.

ஜூன் 19ம் தேதி இரவு 8:00 மணிக்கு மீனாட்சி சொக்கநாதருக்கு திருக்கல்யாணம் நடந்தது. 9ம் திருவிழாவான நேற்று தேரோட்டம் நடந்தது. மாலை 4:30 மணிக்கு பிரியாவிடையுடன் சொக்கநாதர் ஒரு தேரிலும், மீனாட்சியம்மன் மற்றொரு தேரிலும் எழுந்தருளினர்.

விநாயகர், சுப்ரமணியர், சண்டிகேசுவரர் தனித்தனி சிறிய தேர்களிலும் எழுந்தருளினர். அதிகாலை 5:45 மணிக்கு தேரோட்டம் துவங்கியது. நான்கு ரத வீதிகள் வழியாக பக்தர்கள்வடம் பிடித்து தேரை இழுத்தனர். இரவு 7:15 மணிக்கு தேர் நிலையை அடைந்தது. இன்று தீர்த்தவாரி உற்ஸவம் நடக்கிறது.

விழாவிற்கான ஏற்பாடுகளை முறையூர் கிராமத்தார்களும், தேவஸ்தான நிர்வாகமும் செய்து வருகின்றனர்.