சிவகங்கை: மானாமதுரை அருகே கீழப்பிடாவூர் முத்து மகன் கலைஞர் 48. இவரது தலைமையில் அவரது உறவினர்கள் வேனில், வல்லக்குளத்தில் நடக்கும் திருமணத்திற்காக சென்றனர். வேன் டிரைவர் பச்சேரி ராமகிருஷ்ணன் 26 ஓட்டினார். நேற்று காலை 8:35 மணிக்கு செம்பனுார் அருகே சென்ற போது வேன் நிலை தடு மாறி கவிழ்ந்து, விபத்திற்குள்ளானது. இதில், கலைஞர் சம்பவ இடத்திலேயே பலியானார். வேனில் வந்த 20 பேர் காயமுற்றனர். சிவகங்கை தாலுகா போலீசார் விசாரிக்கின்றனர்.