இவ்வொன்றியத்தில் ம.கோவில்பட்டி, வேங்கைப்பட்டி உள்ளிட்ட கிராமங்களில் இருந்து ஏராளமான மாணவர்கள் சிங்கம்புணரி பகுதி பள்ளிகளில் படிக்கின்றனர்.

காலையில் பள்ளி நேரத்தின் போது இக்கிராமங்கள் வழியாக எந்த பஸ்சும் இயக்கப்படவில்லை. மதியம் மற்றும் மாலை நேரத்தில் மட்டும் தனியார் பஸ்கள் வருகின்றன.

இதனால் மாணவர்கள் 4 கி.மீ., தூரம் நடந்தே பள்ளிக்கு செல்கின்றனர்.

சில பெற்றோர்கள் ரோட்டோரத்தில் காத்திருந்து டூவீலரில் செல்பவர்களிடம் லிப்ட் கேட்டு ஆபத்தான முறையில் தங்கள் பிள்ளைகளை பள்ளிக்கு அனுப்பி வைக்கின்றனர்.

எனவே பிரான்மலையில் இருந்து வேங்கைப்பட்டி வழியாக சிங்கம்புணரிக்கு பள்ளி நேரத்தில் அரசு டவுன் பஸ் இயக்கவேண்டும்.