கோடை வெயிலால் பல குடிநீர் ஊரணிகள் வற்றத் துவங்கியுள்ளன.அதில் திருப்புத்துார் அருகே பனையம்பட்டி குடிநீர் ஊரணியும் ஒன்று. பனையம்பட்டி மட்டுமின்றி சுற்றுப்புறக் கிராமத்தினரும் சுவைக்காகவும், சமைக்க நன்றாக இருக்கும் என்பதற்காகவும் இந்த ஊரணி நீரை பயன்படுத்தி வந்தனர்.

அண்மையில் நீர் வற்றி சகதியாகி விட்டதால் பயன்படுத்த முடியவில்லை. இதனால் குடம் ரூ. 13 க்கு வாகனத்தில் வரும் நீரை வாங்கி பயன்படுத்தினர்.

சில நாட்களுக்கு முன்பு குடம் ரூ.15 ஆக அதிகரித்து விற்றதற்கு கிராமத்தினர் அதிருப்தி அடைந்துள்ளனர்.

கிராமங்களில் தற்போது ஏற்பட்டுள்ள குடிநீர் தட்டுப்பாட்டை போக்க அதிகாரிகள் நடவடிக்கை எடுக்க வேண்டுமென மக்கள் எதிர்பார்க்கின்றனர்.