அவர் கூறியதாவது, சிவகங்கை அஞ்சல் கோட்டத்தின் கீழ் சிவகங்கை, மானாமதுரையில் உள்ள தலைமை தபால் நிலையங்களில் ஆதார் பதிவு மற்றும் திருத்த மையம் செயல்பட்டு வருகிறது. தினமும் காலை 8:00 முதல் இரவு 8:00 மணி வரை மையம் செயல்படும்.

இந்த மையங்களில் புதிய ஆதாருக்கு விண்ணப்பிக்க, வயது 5 முதல் 7, 15 முதல் 17 வயதினருக்கு கைரேகை, கருவிழி புதுப்பிக்க கட்டணம் இல்லை.

மற்ற நபர்கள் கைரேகை, கருவிழி புதுப்பிக்க ரூ.100, ஆதாரில் பெயர், முகவரி, பிறந்த தேதி, பாலினம், அலைபேசி, இ- மெயில் மாற்றம் செய்ய ரூ.50, பத்து ஆண்டு ஆதாரை புதுப்பிக்காதவர்கள் பெயர், முகவரி சான்று இணைக்க ரூ.50 கட்டணம் செலுத்த வேண்டும்.

உரிய சான்றுகளுடன் தலைமை தபால் நிலைய ஆதார் சேவை மையங்களில் பயன்பெறலாம், என்றார்.