குன்றக்குடி தேவஸ்தானத்தைச் சேர்ந்த இக்கோயிலில் பிரதோஷ தினங்களில் சிறப்பு வழிபாடு நடைபெறுகிறது. நேற்று மாலை 5:00 மணிக்கு சிவாச்சார்யார்களால் சிறப்பு பூஜை நடந்து நந்திதேவருக்கும், உற்ஸவ சுவாமி,அம்பாள் ஆகியோருக்கு அபிஷேக, ஆராதனை நடந்தன. பின்னர் உற்ஸவ சுவாமியும், அம்பாளும் வெள்ளி ரிஷப வாகனத்தில் எழுந்தருள தீபாராதனை நடந்தது. தொடர்ந்து சுவாமி கோயில் பிரகாரங்களில் வலம் வந்தார்.

* சிங்கம்புணரி சிவன் கோவில்களில் ஆடி பிரதோஷ வழிபாடு நடந்தது. சிவகங்கை தேவஸ்தானத்துக்கு உட்பட்ட சிவபுரிபட்டி தர்மசம்வர்த்தினி, சுயம்பிரகாச ஈஸ்வரர் கோயிலில் பிரதோஷ வழிபாடு நடந்தது. நேற்று மாலை நந்தீஸ்வரருக்கு சிறப்பு வழிபாடு செய்யப்பட்டது. பிரான்மலை திருக்கொடுங்குன்றநாதர் கோயில், சதுர்வேதமங்கலம் ருத்ர கோடீஸ்வரர் கோயில், முறையூர் மீனாட்சி சொக்கநாதர் கோயில், கரிசல்பட்டி கைலாசநாதர், உலகம்பட்டி உலகநாயகி சமேத உலகநாதர் கோயில்களில் பிரதோஷ வழிபாடு நடந்தது.