காரைக்குடி முத்துப்பட்டினம் 3வது வீதியைச் சேர்ந்தவர் முத்துப்பாண்டி 54. விவசாயியான இவர் காரைக்குடி அதுல கண்மாய் வயலில் விவசாயம் செய்து வந்தார். காங்., கட்சியைச் சேர்ந்த இவர் நேற்று முதல் காணவில்லை என உறவினர்கள் தேடி வந்தனர். இந்நிலையில் இன்று மதியம் காரைக்குடி அதலைக்கண்மாய் வயல் அருகே ஒருவர் கொலை செய்யப்பட்டு கிடப்பதாக போலீசாருக்கு தகவல் கிடைத்தது. போலீசார் பார்த்தபோது இறந்து கிடந்தது முத்துப்பாண்டி என்று தெரியவந்தது.

உடலை கைப்பற்றி பிரேத பரிசோதனைக்காக காரைக்குடி அரசு மருத்துவமனைக்கு அனுப்பி வைத்தனர். சொத்து தகராறு காரணமாக கொலை செய்யப்பட்டாரா? அல்லது வேறு ஏதும் காரணமா என போலீசார் விசாரணை நடத்தி வருகின்றனர்