சிவகங்கை தேவஸ்தானத்திற்குட்பட்ட இக்கோயிலில் செப்., 25 அன்று கொடியேற்றத்துடன் புரட்டாசி பிரமோற்ஸவ விழா துவங்கியது. தினமும் ஸ்ரீதேவி, பூதேவி சமேத பிரசன்ன வெங்கடாஜலபதி பெருமாள் காலையில் காலசந்தி ேஹாமம், பலி, திருவீதி உலா நடைபெற்றது. தினமும் இரவு 7:00 மணிக்கு ஸ்ரீதேவி, பூதேவியருடன் பெருமாள் அன்னம், சிம்மம், அனுமன், தங்க கருடன், சேஷ, யானை, வெள்ளி கேடயம், குதிரை, புன்னைமர வாகனங்களில் வீதி உலா வந்து பக்தர்களுக்கு காட்சி அளித்தனர்.

9ம் நாளான நேற்று காலை 9:45 மணிக்கு அலங்கரிக்கப்பட்ட தேரில் ஸ்ரீதேவி, பூதேவியருடன் பிரசன்ன வெங்கடாஜலபதி பெருமாள் எழுந்தருளினார்.

அர்ச்சகர்கள் சுவாமி, அம்பாளுக்கு சிறப்பு அபிேஷக ஆராதனை செய்தனர்.

தேர் நிலையில் சிதறு தேங்காய் உடைத்து, நேற்று காலை 10:02 மணிக்கு பக்தர்கள் வடம் பிடித்து இழுக்க தேரோட்டம் துவங்கியது. தேர் நான்கு ரதவீதிகளை சுற்றிவந்து மீண்டும் காலை 10:45 மணிக்கு நிலையை அடைந்தது. ஏராளமான பக்தர்கள் கோவிந்தா... கோவிந்தா என கோஷமிட்டு தேரை இழுத்து சென்றனர். விழா ஏற்பாட்டை தேவஸ்தான நிர்வாகிகள், நகரத்தார் செய்திருந்தனர்.