தேவகோட்டை:தேவகோட்டையில் ரூ ஒரு கோடி செலவில் அமைக்கப்பட்ட எரிவாயு மூலம் எரியூட்டப்படும் நவீன மயானம் கட்டப்பட்டு திறக்கப்பட்டது. 10 ஆண்டு கழித்து பல கட்ட போராட்டத்திற்கு பின் ஒரு வழியாக செயல்பாட்டுக்கு வந்தது. ரூ 3 ஆயிரம் கட்டணம் என்பதால் மக்களுக்கு உதவியாக இருந்தது. சிலிண்டர் விலை கூடியதால் கட்டணம் உயர்த்த திட்டமிட்ட நிலையில், குத்தகை எடுத்தவருக்கும் நகராட்சிக்கும் பிரச்னை உருவானது. இந்த நிலையில் நவீன மயானம் சில மாதங்களாக செயல்படவில்லை. மீண்டும் அருகில் உள்ள சித்தானுார் ஊராட்சி மயானத்திற்கு செல்கின்றனர்.