திருப்புவனம் தாலுகா அலுவலக வளாகத்தில் ஆதார் சேவை மையம் செயல்பட்டு வருகிறது. ஆதார் கார்டில் பெயர் திருத்தம், முகவரி மாற்றம், புகைப்படம் மாற்றம் உள்ளிட்ட பல்வேறு கோரிக்கைகளுடன் 20க்கும் மேற்பட்ட பெண்கள் காத்திருந்தனர்.

காலை 11:00 மணிக்கு திடீரென மின்சாரம் துண்டிக்கப்பட்டதால் கம்ப்யூட்டர் முடங்கியது. இன்வெர்ட்டர்கள், பேட்டரிகள் இல்லாததால் எந்த பணியும் செய்ய முடியவில்லை. ஆதார் கார்டு விண்ணப்பிக்க வந்தவர்கள் வேறு வழியின்றி காத்து கிடந்தனர். ஒரு மணி நேரம் கடந்த பின் மின்சாரம் வந்த பின் பணிகள் தொடங்கின.