சிவகங்கையில் 50 ஆயிரம் பேர் வசிக்கின்றனர். இங்கு அரசு மருத்துவ கல்லுாரி, கலெக்டர் அலுவலகம் செயல்படுகின்றன. இங்கு பணிபுரியும் ஊழியர்கள் மாவட்டத்தின் பிற பகுதிகளில் இருந்து இங்கு வருகின்றனர். தினமும் 5 ஆயிரம் பேர் வரை வந்து செல்கின்றனர்.

சிவகங்கையில் இருந்து 34 டவுன் பஸ், 32 புற நகர் பஸ்களும், சென்னை பஸ்களும் இயக்கப்படுகின்றன. திருப்புத்துாருக்கு இரவு 9:30 மணி, மானாமதுரைக்கு இரவு 9:45 மணி, மதுரைக்கு இரவு 10:45 மணி வரை மட்டுமே பஸ்கள் இயக்கப்படுகின்றன. அதற்கு பின் இரவு நேர பஸ்கள் இல்லை. சிவகங்கைக்கு கூடுதலாக இரவு நேர பஸ்களை இயக்க வேண்டும்.