திருப்புவனம் மருதுபாண்டியர் திருமண மகால் அருகே கோயிலுக்கு சொந்தமான இடம் உள்ளது.

கருவேல மரங்கள், நாணல் அடர்ந்து காணப்படுகிறது. இதனை ஒட்டி மின்மயமாக்கப்பட்ட மதுரை- - ராமேஸ்வரம் அகல ரயில் பாதையும் உள்ளது. நேற்று முன்தினம் மாலை சிலர் நாணல்களுக்கு தீ வைத்தனர்.

கோடை வெயில் காரணமாக காய்ந்த மரங்கள் இருந்ததால் மளமள வென தீ பரவியது.அடர்த்தியான புகை எழுந்து நகரை சூழ்ந்தது. வீடுகளை விட்டு பொதுமக்கள் வெளியேறினர். மானாமதுரை தீயணைப்பு துறையினர் போராடி தீயை அணைத்தனர்.