இக்கோயிலில் நவ.2ல் கந்தசஷ்டி விழா துவங்கியது. தொடர்ந்து தினசரி மூலவருக்கு மாலையில் அபிஷேக, ஆராதனை நடைபெறுகின்றன. மேலும் உற்ஸவர் திருநாள் மண்டபத்தில் எழுந்தருளி தீபாராதனை நடந்தது.இன்று ஆறாம் திருநாளை முன்னிட்டு மூலவருக்கு காலை 10:30 அபிஷேக,ஆராதனை நடைபெறும். மதியம் 3:00 மணிக்கு கீழரதவீதியில் சூரன் வலம் வருதல் துவங்கும்.

பின்னர் மாலை 4:30 மணிக்கு சிவகாமி அம்பாளிடம் வேல் வாங்கி உற்ஸவ முருகனுக்கு தீபாராதனை நடந்து கோயிலிலிருந்து புறப்பாடு துவங்கும். பின்னர் கீழரத வீதியில் எழுந்தருளி சூரன் தலையை கொய்து சூரசம்ஹாரம் நடைபெறும். தொடர்ந்து திருவீதி உலா நடைபெறும். நாளை காலை 9:30 மணிக்கு மேல் 10:30 மணிக்குள் சுப்பிரமணியருக்கும் தெய்வானைக்கும் திருக்கல்யாணம் நடைபெறும்.