ADDED : மார் 11, 2026 04:36 AM
அ நிறம் | அளவு
சிவகங்கை: சிவகங்கை மாவட்டத்தில் திருக்குறள் திருப்பணி பயிற்சியில் 480 பேர் பயன் பெற்றுள்ளதாக தமிழ் வளர்ச்சித்துறை உதவி இயக்குனர் சிவப்பிரகாஷ் தெரிவித்தார்.
அவர் கூறியதாவது, இம்மாவட்டத்தில் சிவகங்கை, தேவகோட்டை, திருப்புத்துார் ஆகிய 3 மையங்களில் திருக்குறள் பயிற்சி வகுப்புகள் நடந்தது. 2025 அக்., 11 முதல் 2026 மார்ச் 6 வரை மூன்று கட்டமாக 30 பயிற்சி வகுப்புகள் வரை நடத்தப்பட்டுள்ளது.
இப்பயிற்சி வகுப்பில் திருக்குறளின் பெருமை, அதிகாரங்கள் குறித்து விளக்கப்பட்டது. இப்பயிற்சி வகுப்பில் பள்ளி, கல்லுாரி மாணவர்கள், பொதுமக்கள் என 480க்கும் மேற்பட்டவர்கள் பயன்பெற்றுள்ளனர் என்றார்.
