சிவகங்கை தேவஸ்தானத்திற்கு உட்பட்ட இக்கோயிலில் வைகாசி விசாக விழா ஜூன் 1 அன்று கொடியேற்றம் மற்றும் காப்பு கட்டுடன் துவங்கியது. விழாவை முன்னிட்டு தினமும் காலையில் அம்மன் பல்வேறு வாகனங்களில் திருவீதி உலா வந்தார்.

9ம் நாளான நேற்று காலை 9:43 மணிக்கு அலங்கரிக்கப்பட்ட தேரில் கண்ணுடைய நாயகி அம்மன் எழுந்தருளினார்.சுவாமிக்கு சிறப்பு அபிேஷக ஆராதனை நடந்தது. தேர் வடக்கொடிகள் ஊர்வலமாக எடுத்துவரப்பட்டு தேரில் பொருத்தினர். அனைத்து பக்தர்களும் வடம் பிடித்து இழுக்க தேரோட்டம் நேற்று காலை 10:05 மணிக்கு துவங்கியது.

தேர் நான்கு ரத வீதிகளை சுற்றி வந்து காலை 11:30 மணிக்கு நிலையை அடைந்தது. தேரோட்ட விழாவில் ஆயிரக்கணக்கான பக்தர்கள் பங்கேற்றனர். நேற்று இரவு 7:00 மணிக்கு கண்ணுடையநாயகி அம்மன் புஷ்ப பல்லக்கில் வீதி உலா வந்தார்.

இன்று பால்குடம், பூக்குழி

விழாவின் பத்தாம் நாளான இன்று காலை 8:00 மணிக்கு பக்தர்கள் பால்குடம் எடுத்தும், பூக்குழி இறங்கியும் நேர்த்தி செலுத்துகின்றனர். பதினொன்றாம் நாளான நாளை காலை உற்ஸவ சாந்தி, மாலை வெள்ளி ஊஞ்சல் உற்ஸவத்துடன் வைகாசி விசாக திருவிழா நிறைவு பெறும்.