சிவகங்கை: பருவமழை பெய்யத்துவங்கியதால் தக்காளி விளைச்சல் குறைந்த நிலையில் நேற்று சிவகங்கை சந்தையில் விலை அதிகரித்து ஒரு கிலோ ரூ.100க்கு விற்றது. சிவகங்கை வாரச்சந்தைக்கு மதுரை, ஒட்டன்சத்திரம் உள்ளிட்ட பகுதியில் இருந்தும், ஆந்திரா, கர்நாடகா உள்ளிட்ட மாநிலங்களில் இருந்தும் தக்காளி விற்பனைக்கு கொண்டுவரப்பட்டு விற்கப்படுகிறது. தற்போது பெய்து வரும் மழையால் தக்காளி அழுகி விடுகிறது.