லாரிகளில் கொண்டு வரப்படும் பொருட்களை கடைகளில் இறக்குவதற்காக லாரிகளை மெயின் ரோட்டில் நிறுத்தி இறக்குவதால் அப்பகுதிகளில் போக்குவரத்து நெரிசல் ஏற்பட்டு வருகிறது. வாகன ஓட்டிகள் மிகுந்த அவதிக்குள்ளாகி வருகின்றனர்.

வாகன ஓட்டிகள் கூறுகையில், மானாமதுரையில் அனைத்து ரோடுகளிலும் காலை மற்றும் மாலை போக்குவரத்து அதிகமுள்ள நேரங்களில் சரக்கு வாகனங்களை ரோட்டில் நிறுத்தி கடைகளுக்கு சரக்குகளை இறக்குவதால் அடிக்கடி போக்குவரத்து நெரிசல் ஏற்பட்டு வருகிறது.

விபத்து அபாயமும் உள்ளது. ஆகவே டிராபிக் போலீசார் காலை மற்றும் மாலை போக்குவரத்து அதிகமுள்ள நேரங்களில் சரக்கு லாரிகளை நகருக்குள் அனுமதிக்காமல் போக்குவரத்து குறைவாக உள்ள நேரங்களில் லாரிகளை அனுமதித்து சரக்குகளை இறக்க நடவடிக்கை எடுக்க வேண்டும் என்றனர்.