சீத்துாரணி கிராமத்தைச் சேர்ந்த ராமையா, 56, திருவுடையார்புரத்தைச் சேர்ந்த பாஸ்கரன், 56, ஆகியோர் மேலும் தோண்டுவதற்காக குழியில் இறங்கினர்.

நீண்ட நேரமாகியும் மேலே வராததாலும், எந்த சத்தமும் இல்லாததால், மேலே இருந்த மற்ற இரு தொழிலாளர்கள் சந்தேகமடைந்து, தீயணைப்பு துறையினருக்கு தெரிவித்தனர்.

தீயணைப்பு வீரர்கள் குழிக்குள் இறங்க முயற்சித்தபோது, விஷவாயு பரவி இருப்பதை அறிந்தனர். பின், குழியில் மயங்கிக் கிடந்த இருவரையும் கயிறு கட்டி மீட்டனர். இளையான்குடி அரசு மருத்துவமனையில் அவர்களை பரிசோதித்த டாக்டர்கள், இருவரும் இறந்துவிட்டதாக தெரிவித்தனர். இளையான்குடி போலீசார் விசாரிக்கின்றனர்.